لو قدرت تقدم حاجة مش موجودة عند حد تاني، عميلك مش هيبقى عنده سبب يدور على بديــــــــــــــــــــــل.

حدد مين هم منافسينك، اعرف إيه اللي بيقدموه، واشتغل على إنك تقدم حاجة أفضل، أسرع، وأكتر فاعلية.

خلي مشروعك يكون الاختيار السهل والمضمون لعملاءك!

لو مش قادر تجاوب على السؤال ده، يبقى وقتها لازم تفكر في استراتيجيات جديدة تخلي مشروعك هو الاختيار الأول للعملاء..

أول حاجة لازم تفكر فيها هي إيه اللي بيقدموا المنافسين؟

لازم تعمل تحليل شامل للسوق، وتشوف إيه المميزات اللي عندهم، وهل أنت تقدر تقدم حاجة تتفوق عليهم؟

هنا بيظهر مفهوم "تحليل SWOT" (نقاط القوة، الضعف، الفرص، والتهديدات).

• نقاط القوة: إيه اللي مشروعك بيتفوق فيه؟ هل المنتج عندك أفضل؟ هل عندك فريق دعم عملاء قوي؟

• نقاط الضعف: إيه التحديات اللي بتواجهك؟

• الفرص: هل فيه حاجة ممكن تطورها أو تضيفها لمنتجك؟ السوق في حاجة لمنتج أو خدمة مش موجودة؟

• التهديدات: مين منافسينك؟ إزاي تقدر تتغلب على التهديدات اللي بتمثلها منتجاتهم؟

استراتيجيات الحفاظ على الميزة التنافسية

التمييز لازم يكون مستمر، لأن المنافسين دايمًا بيطوروا من نفسهم. علشان كده، الابتكار هو المفتاح.

اعتمد على أساليب مثل:

• تحليل سلوك العملاء: دايمًا خلي عينك على سلوك العملاء من خلال الأدوات التحليلية زي Google Analytics أو أدوات تتبع سلوك المستخدم.

ده هيساعدك تعرف اهتماماتهم وتفضل تقدم ليهم محتوى مناسب.

• اختبارات السوق A/B Testing: جرب استراتيجيات محتلفة للإعلان والمحتوى وشوف أيهما يحقق نتائج أفضل. ده بيساعدك تطور دائمًا وتكون متقدم خطوة قدام المنافسين.

وفي النهاية،،

الميزة التنافسية مش مجرد ميزة مؤقتة، لكنها استراتيجية لازم تتجدد باستمرار، وتعتمد على فهم شامل لعملائك، للمنافسين، وللسوق بشكل عام. تمييز مشروعك بين السوق مش حاجة سهلة، لكنها بالتأكيد ممكنة لما تعرف تفهم إيه اللي يخلي مشروعك الاختيار الأول في عيون عملاءك وتستخدم المحتوى لإثبات ده.