أوقات كتير تلاقي نفسك بتعمل حملات تسويقية، بتصرف ميزانية، وبيجي لك عملاء كتير على الموقع أو السوشيال ميديا، لكن في النهاية مفيش تحويلات حقيقية أو مبيعات فعلية.

السؤال اللي بيطرح نفسه هنا هو: ليه الناس بتيجي بس مش بتشتري؟

الإجابة على السؤال ده بتعتمد على عدة عوامل ممكن تكون بتغفل عنها.

أول وأهم سبب إن العملاء مش بيشتروا، هو إنك ممكن تكون مش بتستهدف الباير بيرسونا بتاعتك بشكل صحيح. لازم تسأل نفسك:

- هل الجمهور اللي أنا بستهدفه فعلاً مهتم بمنتجي؟

- هل أنا فاهم احتياجاتهم ومشاكلهم؟

تحديد الباير بيرسونا بيساعدك تفهم عميلك بشكل أعمق.

مين هو؟ إيه اللي بيحركه لشراء منتج معين؟ إيه المشاكل اللي بيواجهها واللي منتجك بيحلها؟ لو مش عندك الإجابات دي، فانت بتخاطب الناس الغلط، والنتيجة الطبيعية إنهم مش هيشتروا.

المنتج أو الخدمة اللي بتقدمها لازم تكون مقنعة بما يكفي علشان العميل يحس إنها تستحق الدفع. يعني مش بس تقول للعميل إن المنتج حلو، لكن لازم توضحله إزاي المنتج دا هيحل مشاكله أو يلبي احتياجاته.

زي ما بيقول هرم ماسلو للاحتياجات النفسية، الناس بيشتروا بناءً على احتياجاتهم الأساسية، سواء كانت احتياجات نفسية، اجتماعية، أو حتى حاجات عليا زي التقدير وتحقيق الذات.

لو منتجك مش بيقدم حل واضح لاحتياجاتهم دي، العملاء مش هيشوفوا قيمة في الدفع.

الثقة هي العامل الأهم في إتمام أي عملية شراء. لو العميل مش واثق في علامتك التجارية، أو مش شايف إنها جديرة بالثقة، هيبقى صعب إنه ياخد قرار الشراء. خطوات زي:

• توضيح سياسة الاسترجاع.
• تقديم شهادات وآراء عملاء سابقين.
• استخدام ضمانات جودة.
• 
  

كل دا بيساعد العميل إنه يحس بالأمان قبل ما ياخد خطوة الشراء.

ممكن تكون المشكلة في استراتيجيتك التسويقية. لو الرسالة التسويقية مش واضحة، أو الحملات بتاعتك مش متناسقة مع بعض، العميل مش هيقدر يفهم القيمة اللي بتقدمها. استراتيجية التسويق بتاعتك لازم تبقى مبنية على خطة واضحة، مش مجرد محاولات عشوائية.

واحد من الأسباب اللي بتخلي العملاء ما يشترواش هو إنهم بيشوفوا إن السعر مش بيتناسب مع القيمة اللي بيحصلوا عليها. مهم جداً إنك تقدم منتج يعكس قيمة تستحق السعر المطلوب، وتحاول توضح للعميل ليه المنتج دا فعلاً يستحق الدفع.

الخلاصة

لو تسويقك بيجيب عملاء مبيشتروش، يبقى لازم تعيد التفكير في:

• تحديد الباير بيرسونا بدقة.
• التأكد من إن منتجك أو خدمتك بتقدم قيمة حقيقية تستحق الدفع.
• بناء الثقة مع العملاء.
• تطوير استراتيجية تسويقية واضحة وفعالة.
• 
  

ومش هينفع تكسب من غير استثمار في التسويق، لأن دا العامل الأساسي اللي بيخلّي العميل يختار منتجك عن غيره.