تخيل معايا ان عميل اشترى منك مرة واحدة بمتوسط قيمة 1000 جنيه.
دلوقتي لو العميل دا اشترى منتجاتك أو خدماتك لمدة 15 أو 20 سنة بمعدل شراء مرة واحدة في السنة، هتجمع إيرادات قيمتها 15,000 إلى 20,000 جنيه من عميل واحد فقط.

100 * 1000 جنيه في السنة = 100.000 جنيه،
ولو هتحافظ على ولاء 70% منهم، فإنك قد تضمن إيرادات ثابتة سنوية تقدر بـ 70,000 جنيه.
ولو خسرت 50% منهم، فإن إجمالي الإيرادات ينخفض إلى 50,000 جنيه فقط.

خلينا نبدأ بسؤال،
كنت تعرف ان تكلفة جذب عميل جديد بتبقي أعلى بكثير من تكلفة الاحتفاظ بعميل حالي؟

دا لان جذب عميل جديد يتطلب إعلانات، تسويق، وعروض مغرية. أما الاحتفاظ بعميل موجود، بيحتاج إلى استراتيجيات أقل تكلفة بكتير

يعني لو فضلت تسعى لجذب عملاء جدد هامش ربحك هيكون ضعيف جدا

دا كلام الدراسات في كتاب "Customer Lifetime Value: The Path to Profitability"

لانه مع الوقت، يصبح العميل المتكرر أكثر ثقة في منتجاتك أو خدماتك. الثقة هتخليه يميل إلى الشراء المتكرر بدون تردد، ويمكن أن يتحول إلى مدافع عن علامتك التجارية، زي ما أصحاب موبايل Iphone بيعملوا!

مش بتاخد بالك ؟
محصلش قبل كدا ان حد اشتكي من ايفون قدامك ولقيت اصحاب الايفون بيدافعوا ازاي؟

طبعا احنا عارفين ان ايفون موبايل مميز، لكن تفتكر هما بس بيدافعوا عنه لأنه مميز؟؟ أكيــــــد لا، الولاء الخفي هو العامل الأهم!

وخلينا نختم بقاعدة أن الاستثمار في العميل المتكرر هو استثمار في المستقبل

تأكد أن كل جنيه تصرفه على الاحتفاظ بالعملاء الحاليين هيرجعلك بعشرات الآلاف من الجنيهات على المدى الطويل.

خسارة عميل مش مجرد خسارة صفقة؛ بل هي خسارة مستقبل مبيعات طويل. طور من تجربتهم، وقدم عروض مخصصة لهم، وهتلاقي أن مشروعك ينمو بثبات.