لازم تفهم إن كل إعلان غير موفق مش بس بيكلفك فلوس، لكنه كمان بيكلفك عملاء.

الإعلان الأول هو اللي بيسيب الانطباع الأول عند العميل، ولو كان الإعلان غير جذاب أو مش مرتبط بالعميل، الانطباع الذهني عنه هيكون سلبي وهيبقى صعب تغييره.

فيه شركات فشلت لأنها كانت بتركّز على إعلانات مش قوية أو ماكانتش بتستثمر في فهم احتياجات جمهورها، وفي النهاية خرجوا من السوق تمامًا.

أول حاجة لازم تبصلها هو عنوان إعلانك.

لو العنوان مش بيجذب انتباه الجمهور من أول نظرة، مفيش حد هيضغط على الإعلان. كتير من الشركات بتقع في فخ العناوين العادية اللي مفيهاش حماس أو فضول.

على سبيل المثال، عنوان زي "تواصل معنا لخطة تسويقيه" مش هيكون بنفس قوة عنوان زي "ازاي تحقّق مبيعات ضخمة باستخدام تقنية جديدة؟".

العنوان هو اللي بيفتح الباب الأول لدخول العميل، فلازم تكون مميز.

العنوان مرتبط بكل من :

تعرف منين ان العنوان فيه مشكله ؟
- بيكلمك ناس مش مهتمه
- CTR ضعيف

من ضمن الأخطاء اللي بتخلي تكلفة الإعلان عالية هي إنك بتستهدف جمهور مش مهتم بالمنتج أو الخدمة.

لو الـ CTR (معدل النقر) ضعيف، فده غالبًا معناه إن المحتوى مش موجّه صح أو مش جذاب.

جوجل وميتا بينصحوا إنك دايمًا تعمل تحليلات شاملة للجمهور قبل ما تبدأ في إعلاناتك. لازم تعرف اهتماماتهم وتفاعلهم علشان تقدم لهم المحتوى اللي يلمس احتياجاتهم ورغباتهم.

الخطأ الكبير اللي ممكن تقع فيه إنك تستهدف جمهور ما عندوش فكرة عنك أو عن علامتك التجارية من غير ما تكون باني علاقة ثقة.

مفيش حد هيشتري من شركة أو علامة تجارية أول مرة يسمع عنها من غير ما يبقى فيه إثبات اجتماعي زي تقييمات العملاء أو قصص نجاح حقيقية. لو بتستهدف جمهور جديد، حاول تقدم له محتوى تعليمي أو معلومات عن المميزات اللي بتقدّمها الأول.

كتير من العملاء المحتملين ممكن يدخلوا صفحتك بعد ما يشوفوا الإعلان. لو الصفحة مش بتعكس احترافية أو المحتوى فيها ضعيف، العملاء المحتملين هيخرجوا من غير ما يتخذوا أي إجراء.

ودا طبعا هيخسرك عميل للأبد!

محتوى الصفحة لازم يكون مليء بالمعلومات القيمة اللي بتثبت احترافيتك وتجذب انتباه العملاء.

الناس بتميل إنها تشتري لما يشعروا إن المنتج أو الخدمة هيلبوا في تلبية احتياجاتهم الأساسية.

إذا كان المحتوى بتاعك مش بيخاطب الاحتياجات دي بوضوح، سواء كانت احتياجات الأمان، الانتماء، أو تحقيق الذات، فهتلاقي الإقبال ضعيف.